അദ്ധ്യായം ഒന്ന്

സൗത്ത് ആഫ്രിക്കയെ തോൽപിച്ച ഓസ്ട്രേലിയ ഫൈനലിൽ എത്തിയിരിക്കുന്നു. ഇത്തവണയും സെമി ഫൈനൽ തോൽവി ശാപം വിടാതെ അവരെ പിന്തുടർന്നു...2003 ലെ തോൽവിക്ക് പകരം ജയിക്കാൻ ഇന്ത്യക്കൊരു അവസരം.
വൈകിമെന്നു കരുതിയെങ്കിലും ബോട്ട് കിട്ടി... ഇന്ന് നല്ല തെളിഞ്ഞ കാലാവസ്ഥ തന്നെ. ഏറിയാൽ ഒരു പത്തു പേർ മാത്രം. യാത്ര അനുഭവിക്കാനും കാഴ്ചകൾ കാണാനും ഒരു ചേട്ടൻ കയറിയിരുന്നു. ടിക്കറ്റ് നിരക്കിനെ പറ്റിയും യാത്രയുടെ ചില വിവരങ്ങളും ചോദിച്ചറിഞ്ഞു... വെള്ളത്തിനു ഒഴുകുള്ളതായി തോന്നി... പോളകൾ ധാരാളം കാണപ്പെടുന്നുണ്ട്.

ഇന്നെന്തോ പാട്ട് കേൾക്കാൻ തോന്നുന്നില്ല.വെള്ളിയാഴ്ച ആയത് കൊണ്ട് ഒരു വീക്കെൻഡ് മൂഡിലാണ്.പോകുന്ന വഴി കാണുന്ന പള്ളി മനോഹരമാണ്. പുഴയുടെ ഓരം ചേർന്നുള്ള ഈ പള്ളി സ്ഥാനം കൊണ്ട് ഭംഗി തന്നെ. നവംബർ, ഡിസംബർ ആയതിന്റെ തോന്നൽ വന്നു തുടങ്ങിയിട്ടില്ല. കാലാവസ്ഥ വളരെയധികം മാറുന്നു... കാരണം മനുഷ്യൻ തന്നെ. മനുഷ്യൻ ഏറ മാറിയാലും, അതിനെല്ലാം പൊരുത്തപ്പെട്ടു പ്രകൃതി മുന്നോട്ടു പോയ്കൊണ്ടേ ഇരിക്കുന്നു... കൃത്യമായ ഇടവേളകളിൽ പരിഭവങ്ങൾ അറിയിച്ചും, ചിരിച്ചും, കരഞ്ഞും...യഥാർത്ഥ മനുഷ്യന്റെ സമ്പാദ്യം ആരോഗ്യമുള്ള ചുറ്റുപാടോടു കൂടിയ പ്രകൃതി തന്നെ... അത് മനസിലാക്കാനും, തിരുത്താനും കഴിയാത്തവിധം മാനവരാശി സ്വയം കെട്ടുപാടുകൾ തീർത്തു അവന്റെ വംശത്തെ തന്നെ ഭൂമിയിലെ ഏറ്റം ആവശ്യമില്ലാത്ത ജീവിവർഗമാക്കി മാറ്റിയിരിക്കുന്നു. ഓരോ ജീവിക്കും കൃത്യമായ ചില ജീവിത ലക്ഷ്യങ്ങളും, ജീവിത ചക്രവും ഉണ്ട്... മനുഷ്യനോ???
ഉള്ള പ്രകൃതിയിൽ കടന്നു കയറി, താളം തെറ്റിക്കുന്ന വിനോദം അല്ലാതെ മറ്റെന്ത്!!!ഭൂമിയിൽ അതി ഭയങ്കരമായ പ്രളയം വന്നപ്പോൾ എല്ലാ ജീവജാലങ്ങളും ഒരു യോഗം ചേർന്ന കഥ രസകരമാണ്...

ബോട്ട് പകുതി പിന്നിട്ടിരിക്കുന്നു... പുൽമെടുകൾ നിറഞ്ഞ ഭാഗം എത്തിയിരിക്കുന്നു...
ഈയിടെ ആയി മീൻ പിടിക്കാൻ ആരെയും കാണുന്നില്ല. ചില ചേട്ടന്മാർ വഞ്ചിയിലും , വലകളും ഒക്കെ ആയി കാണാറുള്ളതാണ്... പറഞ്ഞു തീർന്നില്ല ഒരു ചേട്ടനും, വഞ്ചിയും, വലയും അതാ...ധാരാളം മീൻ കിട്ടട്ടെ....