ചൂടുള്ള പ്രഭാതം

 ചെറിയ തൊണ്ട വേദന ഉണ്ട്.4 മണിക്ക് എഴുന്നേറ്റതാണ്. ഗീതു ചൂടുവെള്ളം തന്നു ഒരു ആശ്വാസം ഉണ്ട്. പുഴ പോളകൾ കൊണ്ട് നിറയുന്നു ഓരോ ദിനം കഴിയുന്തോറും. കുറച്ചു നീങ്ങിയപ്പോൾ കുറഞ്ഞിട്ടുണ്ട്. വെള്ളത്തിനു കാര്യമായ ഒഴുക്ക് ഇല്ലാത്തതാണ് കാരണം. മഴ കുറഞ്ഞിരിക്കുന്നു. എന്തൊരു ചൂടാണ് രാവിലെ തന്നെ...വല്ലാത്തൊരു കാലാവസ്ഥ. മഞ്ഞുകാലം ഒക്കെ പൊയ്പോയിരിക്കുന്നു... ഈ നാട് വൈകാതെ ഒരു മരുഭൂമി ആകുമെന്ന് തോന്നുന്നു. എല്ലാ സാഹചര്യങ്ങളും മരുഭൂമിക്ക് സമാനം. ഭരിച്ചു മുടിപ്പിച്ച ഒരു ഗവണ്മെന്റും.

ബോധം തീരെ ഇല്ലാത്ത ചിലർ ബോട്ടിൽ കയറും. ഉച്ചത്തിൽ ചില മണ്ടൻ വീഡിയോകൾ ഉച്ചത്തിൽ വച്ചു ഇരിക്കും. കൂടെ യാത്ര ചെയ്യുന്നവർക്ക് ശല്യം ഉണ്ടോ എന്ന സാമാന്യ മര്യാദ പോലും ഇല്ലാതെ. ഇവനൊരു സാമാന്യ ബോധം ഇല്ലേ.